Поради лошата изолација, сметките за струја скокаат во зимскиот период, најмногу поради потребата од дополнително греење, за што вообичаено се вклучуваат електричните греалки, а самата грејна сезона подразбира два до три пати поскапи сметки за парно околу шест месеци годишно. .
Сепак, постои едноставен трик со кој можете да заштедите пари за греење и да го направите станот потопол, пишува порталот БЛ.
Во зима, лошата изолација е голем проблем. Како што постои трик да го прилагодите ПВЦ прозорецот на зимската положба и на тој начин да си обезбедите потопла просторија и да ја намалите сметката за струја, односно греењето, постои и начин да се спречи загубата на топлина од радијаторите поставени на надворешните ѕидови на стан.
Наместо топлината да бега кон надвор, позади радијаторот поставете термоизолационен филм, за да ја рефлектира топлината назад во просторијата, па сметките ќе бидат помали.
Исто така, внимавајте топлината што ја создава радијаторот да не ја блокираат завесите, мебелот или облеката што се суши, бидејќи тоа ќе ја намали и способноста на радијаторот да ја загрева просторијата.
