Во експлозија на брод на Дунав загинаа три лица. Трагедијата се случи на 23 јули во доцните вечерни часови, на влевањето во Црното Море во областа Одеса.
Според наводите, на бродот се изведувале работи кога дошло до експлозијата, при што животот го загубиле работници на Управата за морски пристаништа на Украина.
„На 23 јули, доцна вечерта, се случи вонредна ситуација со брод кој ѝ припаѓа на подружницата Делта-Пилот“, стои во соопштението на Управата.
Како што беше наведено, бродот се наоѓал на влевањето Бистра за извршување на планирани работи, со 11 членови на екипажот. Во моментот не е познат причината за експлозијата.
Тројца работници загинале на самото место, додека останатите биле префрлени во болница, а степенот на нивните повреди сè уште не е познат.
Надлежните служби веднаш излегоа на местото на несреќата за да извршат увид и да ги утврдат сите околности на трагедијата. Се очекува извештајот од увидот.
Управата за морски пристаништа на Украина изрази сочувство до семејствата и пријателите на загинатите и вети дека ќе им ја обезбеди целата неопходна поддршка, како и на повредените. Како што беше наведено, поморскиот пристапен канал кон влевањето Бистра привремено беше затворен за бродски сообраќај.