Турскиот претседател Реџеп Таип Ердоган денес изјави дека во текот на оваа недела би можел да разговара со рускиот и американскиот претседател, Владимир Путин и Доналд Трамп, за да види дали е можна нивната средба во Истанбул за да разговараат за прекинување на војната во Украина.
„Со телефонски разговор со Путин и Трамп оваа недела, ќе видиме дали можеме да ги собереме овие лидери во Истанбул, ќе се обидеме“, изјави Ердоган за новинарите, според Ројтерс.
Претставници на Русија и Украина претходно се состанаа во Истанбул на 23 јули, во третата рунда преговори меѓу двете земји за прекин на војната во Украина.