Турскиот претседател Реџеп Таип Ердоган ја прогласи среда, 22 јануари, за ден на жалост во таа земја поради пожарот во ски-центарот Карталкаја, во кој загинаа 66 лица.
„Оние кои предизвикаа таква катастрофа, на кој било начин, и оние кои беа невнимателни и постапија погрешно, ќе одговараат пред законот“, рече Ердоган по состанокот на владата, пренесе Анадолија.
Тој додаде дека во првата фаза се приведени четири лица, меѓу кои и сопственикот на хотелот во кој се случила катастрофата.
Ердоган изрази сочувство до семејствата и роднините на загинатите, а на 51 повреден им посака брзо закрепнување, од кои рече дека едно лице е на интензивна нега, а 17 се пуштени на домашно лекување.
Тој рече дека во гаснењето на пожарот учествувале 156 противпожарни возила и 428 лица од различни институции.
Ердоган изјави дека се започнати административни и судски истраги за да се утврди причината за пожарот и кој е одговорен за катастрофата.
Тој додаде дека инцидентот детално го истражувале шест јавни обвинители, двајца граѓански и четворица инспектори од Министерството за труд, заедно со петчлена стручна комисија.
