Обилните врнежи од дожд кои ја зафатија државата попладнево предизвикуваат сериозни проблеми и во патниот сообраќај. Граѓани на социјалните мрежи објавија фотографии од голем одрон на карпи кој значително го отежнува движењето на патниот правец Скопје – Велес.
Одредени делови од коловозот се делумно блокирани, па се препорачува максимална внимателност при поминување на оваа делница.
Се вчитува...
Препорака: Внимавајте низ клисурите!
Поради влажните коловози и температурните промени, зголемена е опасноста од одрони. Надлежните служби препорачуваат:
- Прилагодена брзина на движење;
- Почитување на поставената сообраќајна сигнализација;
- Внимателно управување со возилата.
Ова посебно се однесува за патиштата низ котлините, речните долини и клисурите, каде што можноста за појава на одрони е најголема.
Најкритични делници: Возачите треба да бидат особено внимателни на следниве патни правци:
- Катланово – Велес;
- Маврово – Дебар – Струга;
- Виница – Берово;
- Кочани – Делчево.
