Тешка сообраќајна несреќа се случи вчера во скопската општина Бутел, во која едно возило заврши превртено на кров.
На местото на несреќата веднаш интервенираше полицијата, која го обезбедуваше просторот и го регулираше сообраќајот. Според она што може да се забележи од фотографиите, на патот имало расфрлани делови од семафори и остатоци од оштетеното возило.
Неофицијално, во несреќата има и повредени лица, но нивната здравствена состојба засега не е официјално потврдена од надлежните служби.
Причините за несреќата, како и официјалните информации за последиците, се очекуваат во текот на денот од Министерството за внатрешни работи.