Запален автомобилот на познатиот српски јутјубер Богдан Илиќ, попознат како Бака Прасе.
Според фотографиите, може да се забележи дека предниот дел од автомобилот е целосно изгорен.
Илиќ веднаш истото го сподели на својот Инстаграм профил каде напиша: „RIP Брабус, 2023 -2026“.
Не е познато како и зошто се случил инцидентот.
Инаку, овој автомобил се проценува на околу 500.000 евра.
Се работи за BRABUS 800 4×4². Посебна доза на екстраваганција внесува целосно портокаловиот ентериер – рачно зашиена кожа, детали од карбон и персонализирани елементи на BRABUS ја трансформираат кабината во луксузен салон на ниво на теренско возило. Цената на вакви индивидуално конфигурирани примероци обично надминува 450.000 евра, а со богата персонализација може да достигне над 500.000 евра, што го прави еден од најексклузивните и највпечатливи SUV проекти во светот.
Овој автомобил, како што вели Илиќ, е единствен од ваков вид – нема друг како него во светот.
