Осуденик кој ја издржува казната во затворот во Арл, фатил и држи во заложништво неколку членови на затворскиот персонал, јавија денеска француските медиуми, наведувајќи дека интервентните единици на полицијата се подготвени да интервенираат.
Затвореникот има ладно оружје и држи во заложништво неколку членови на затворскиот персонал, најмалку тројца медицински работници и еден чувар, пишува порталот BFMTV Marseille Provence.
Локалната полиција е распоредена на лице место, а регионалните екипи за одговор се на пат и подготвени да интервенираат.
Според францускиот портал, властите ангажирале и членови на специјален, тактички полициски тим за вонредни ситуации.