Француската и белгиската полиција бараат накит вреден 102 милиони долари украден од Лувр, а истрагата сега сè повеќе води кон „подземјето“ на индустријата за накит во Антверпен, за која се верува дека со години била „канал за перен украден накит од цела Европа“, објави Ројтерс.
Во часовите по грабежот во Лувр, белгиската полиција доби предупредување преку мрежата „Розов дијамант“ што ја следи Европол да биде подготвена за обиди за продажба на украдениот накит.
„Од моментот кога се случи, особено во Антверпен, бевме во состојба на готовност“, изјави еден полицаец за Ројтерс.
