Германскиот претседател Франк-Валтер Штајнмаер денеска пристигна во ненајавена претходна посета на Украина, објави Ројтерс, повикувајќи се на n-tv.
Ова е прва посета на Штајнмаер на Украина по руската инвазија на земјата на 24 февруари. Тоа се случува на денот кога во Берлин ќе се одржи меѓународна конференција за обнова на Украина.
Германскиот претседател сака да се сретне со својот украински колега Володимир Зеленски.
Зеленски во април одби да го прими Штајнмаер и со тоа не успеа неговата планирана посета на Киев, пишува БТА.
Претставниците на украинските власти, вклучително и до неодамна амбасадорот во Берлин, Андриј Мелник, ја критикуваа Германија дека не ја поддржува доволно нивната земја и дека е премногу наклонета кон Русија. Германскиот претседател вчера ги прими акредитивните писма на новиот украински амбасадор Олексеј Макеев.