Лидерот на ВМРО-ДПМНЕ, Христијан Мицкоски, вечерва најави сериозни кадровски освежувања во партиските структури по првата редовна седница на новиот состав на Извршниот комитет (ИК). Клучната новост е именувањето на Златко Перински за нов претседател на Градскиот комитет на ВМРО-ДПМНЕ во Скопје.
Генерален реизбор на сите општински комитети
Мицкоски најави „генералка“ во партијата, со одлука за распишување огласи за избор на нови раководства во клучните партиски тела.
Се вчитува...
- Унии: Ќе се бираат нови претседатели на Унијата на млади сили (УМС), Унијата на жени и Унијата на ветерани.
- Општински комитети: Донесена е одлука за генерален избор на претседатели на сите општински комитети на партијата низ државата.
Нови имиња во партиските комисии
На седницата се именувани и нови претседатели на неколку важни партиски комисии:
- Комисија за здравство: Сашо Клековски.
- Кадрова комисија: Благоја Ташаминов.
- Комисија за безбедност и одбрана: Панче Тошковски.
- Комисија за туризам: Аккан Махмут.
Мицкоски порача дека овие промени се резултат на барањата од базата.
„Промени. Го слушаме гласот на членството. Вистинскиот избор за заедничка иднина!“, напиша лидерот на ВМРО-ДПМНЕ.
