Голем пожар избил во фабрика за производство на изолациски материјали од стиропор во Кочани.
Според информациите, има голема материјална штета.
Од Територијалната противпожарна единица во Кочани информираат дека добиле повик за интервенција во фабриката околу пладне по што излегле на терен со четири возила и 12 пожарникари.
„Гасењето на огнот беше во специфични услови со оглед што се работи за лесно запалив материјал. Со брза интервенција успеавме да го локализираме и да ја отстраниме сериозната закана да се прошири и на околните објекти. За среќа, освен материјалната штета, нема повредени вработени во фабриката, ниту пак припадници на нашата противпожарна единица“, истакна Драган Апостолов.
Се врши увид на местото на пожарот.