Грчките власти денеска најавија дека наскоро ќе отворат пристаниште за евакуација на островот Санторини за да се олесни безбедната евакуација во случај посилен земјотрес да ја погоди оваа популарна туристичка дестинација.
Според грчкиот министер за цивилна заштита, Василис Кикилијас, Грција ќе се изгради привремено пристаниште за безбедно приклучување на патнички бродови и траекти додека не се воспостави новата пристанишна инфраструктура, пренесува Ројтерс.
„Покрај изградбата на новото пристаниште во Санторини, донесена е одлука да се подготви пристаниште за бродови кои ќе вршат евакуација во случај на итност“, рече Кикилијас во интервју за грчката телевизија АНТ1.
Санторини, вулкански остров во јужниот дел на Егејското Море, е погоден од десетици илјади благи земјотреси од крајот на јануари, принудувајќи ги властите да ги забранат градежните активности и да ги затворат училиштата и да евакуираат илјадници луѓе.
