Српскиот претседател, Александар Вучиќ, откри кој е новиот мандатар за состав на новата Влада на Србија.
Вучиќ изјави дека го предлага Ѓуро П. Мацут за нов мандатар.
– Донесувам одлука за предлог на кандидат за претседател на Владата на Република Србија. Точка 1: Ја предлагам на Народното собрание на Република Србија професорот доктор Ѓуро Мацут за кандидат за претседател на Владата на Република Србија. Точка 2: Одлуката да се достави до Народното собрание на Република Србија. Точка 3: Оваа одлука стапува на сила со денот на објавување во Службениот весник на Република Србија. Образложение: Сметам дека професорот доктор Ѓуро Мацут поседува професионални и лични квалитети, посветеност и стручност за вршење на функцијата претседател на владата, а ме увери дека може да обезбеди избор на владата. Новиот претседател на Владата на Република Србија ќе продолжи со спроведување на програмите насочени кон подигање на животниот стандард на сите граѓани, проекти во областа на здравството, образованието, науката и технологијата, развојот на инфраструктурата, екологијата, енергетиката, земјоделството, туризмот, како и во други области од значење за иднината на Србија и нејзиниот напредок на европскиот пат, со зачувување и натамошно унапредување на традиционално добрите односи и соработка со пријателските земји во светот. Пред претседателот на владата е задачата за реализација на специјализираната светска изложба EXPO 2027 Белград, што во голем дел ќе претставува инвестициска основа во мандатот на новата влада – прочита Вучиќ.
Претседателот Вучиќ ја прочита биографијата на проф. д-р Ѓуро Мацут.
-На Медицинскиот факултет при Универзитетот во Белград ги стекнал сите наставни звања. Од 2019 година е редовен професор по предметот интерна медицина и држи настава за студенти на српски и англиски јазик. Одржува бројни предавања на национални научни и стручни собири, како и поканети предавања на меѓународни собири и конгреси. Организатор е на Меѓународните научни симпозиуми за новини во синдромот на полицистични јајници и здравјето на жената, одржани во 2012, 2016, 2020 и 2024 година во Белград – рече Вучиќ и додаде:
-Иницијатор и организатор е на Белградските мастер-класи од клиничка ендокринологија, каде што е БТЦ на метаболизмот. Од 2016 година е член на Високиот комитет на Европското ендокринолошко друштво со седишта во Бристол и Брисел. Од 2016 до 2020 бил претставник на Советот на Европските национални друштва, а од 2020 до 2024 е избран член на Извршниот комитет на ЕСЕА. Бил член на организациските одбори на Европските ендокринолошки конгреси – од Лисабон, Барселона, Истанбул до Стокхолм. Со указ на претседателот на Републиката, во 2024 година е одликуван со Орден на Караѓорѓева ѕвезда од втор степен. Оженет е со сопругата Јелица, ендокринолог, и е татко на едно дете. Зборува англиски јазик.
Професорот доктор Ѓуро Мацут е еден исклучително храбар човек.
