Двајца мртви и едно тешко рането денеска се пронајдени во семејна куќа во Раднички насеље во Бјеловар.
Се се случило утрово околу 10 часот, пишува Дневник.хр.
Ранетата жена со повреди опасни по живот е пренесена во Општата болница д-р Анѓелко Вишиќ во Бјеловар.
Таа сега е надвор од животна опасност, според неофицијални информации од болницата во Бјеловар.
Според неофицијални информации една жена е убиена, а друга е тешко повредена. Во куќата е пронајдено и машко тело.
Истрагата, предводена од заменик окружниот државен обвинител е во тек, изјави за Дневник.хр портпаролката на бјеловарско-билогорската полиција, Маја Барбиќ Грубиќ.
Полицијата засега не може да ги потврди неофицијалните информации дека се работи за убиство и самоубиство.
Хрватските медиуми објавија дека мажот наводно ја убил својата свекрва и со нож ја прободел жената во вратот, која со тешки повреди била пренесена во болница.
Мажот наводно се самоубил пред очите на полицајците кои дошле на местото на злосторството.
