Индија стана првата земја која успешно слета вселенско летало на неистражениот јужен пол на Месечината, само неколку дена откако руско летало се урна на истата област.
Истовремено, Индија е првата азиска земја која испрати вселенско летало во орбитата на Марс во 2014 година, а во септември планираат да испратат сонда до Сонцето.
Откако нивниот лунарен ровер утврди дека температурата на јужниот пол на Месечината е 70 Целзиусови степени и откако пристигнаа првите фотографии и видеа, сега нивната вселенска агенција потврди присуство на сулфур.
„Инструментот за ласерско индуцирана плазма спектроскопија (LIBS) на роверот Chandrayaan-3 ги спроведе првите in situ (на непроменета позиција) мерења на хемискиот состав на површината на Месечината во близина на Јужниот пол во историјата“, се вели во соопштението.
Спектрографската анализа го потврди и присуството на алуминиум, калциум, железо, хром и титаниум на површината на Месечината, додава ИСРО, а дополнителните мерења покажаа присуство на манган, силициум и кислород.
Индија полека ги достигнува достигнувањата на другите вселенски програми, но по многу пониска цена.
