Основното јавно обвинителство Гостивар е во постојана координација со Институтот за јавно здравје (ИЈЗ), каде по официјална наредба на јавен обвинител во тек се детални лабораториски анализи и испитувања на квалитетот на примероците земени од гостиварскиот водовод. Според најавите, финалните резултати од безбедноста на водата треба да бидат готови во текот на утрешниот ден.
Веднаш по изготвувањето, наодите ќе бидат доставени до надлежните обвинители, кои врз основа на добиените медицински и токсиколошки параметри ќе ја донесат одлуката за понатамошниот тек на истражната постапка, по што јавноста ќе биде детално информирана.
Како дел од безбедносните мерки за заштита на истрагата и спречување на какво било можно влијание или контаминација, по наредба на јавниот обвинител, изворите и клучната локација на водоводниот систем во Вруток и натаму се под строгово полициско обезбедување.