Денеска, 08.01.2023 година, Регионалниот ЦУК Тетово, во врска со вчерашниот шумски пожар над с. Теарце во Националниот парк „Шар Планина“, Тетовско, информира дека во 15:15 часот е стапено во контакт со директорот на Националниот парк, кој бил на лице место со 8 вработени од Паркот од утрово, кога појдоа од с.Теарце, Општина Теарце кон пожарот каде што од вчера гори букова шума и пасиште.
Од вчера до денеска има изгорено околу седум до девет хектари површина, а како резултат на воздушниот притисок чадот се спушта надолу и истиот им создавал големи проблеми во дишењето на вработените и заради тоа тие биле повлечени. По кординација со директорот на ДЗС Скопје и Директорот на Национален парк „Шар Планина“, авион од ДЗС учествувал сo дејствување на една од страните на пожарот, но само со еден налет согласно условите на терен и се вратил во базата во Скопје. Одлучено е да се сочека до утре да се види дали ќе има потреба или не со оглед на ниските температури во ноќта и можноста да се самоизгасне.
Потоа, во 16:25 часот е стапено во контакт со ренџерот што го пријавил вчерашниот пожар и тој извести дека екипата се повлекува во с.Теарце бидејќи почнува да се стемнува, а патот е непристапен за движење, бидејќи до местото на пожарот се пешачи два часа.
Тој потврдил дека пожарот на една од страните е изгаснат во целост, а од другата страна не се можело да се дејствува, бидејќи се намалила видливоста – се стемнувало, па затоа пожарот на тој крак е се уште активен, но со помал интезитет од вчера.
Ако пожарот, што е на стивнување, не се самоизгасне вечерва, утре после утринското извидување е планирано повторно да се оди на терен со цел пожарот да се доизгасне. Состојбата континуирано се следи.