Поранешната судијка во Европскиот суд за човекови права во Стразбург Маргарита Цаца Николовска во „ЕУклик“ на ТВ21 посочи дека таа верувала во Специјалното Јавно Обвинителство, но многу и е непријатно за тоа што се случи со оваа институција.
„Многу се веруваше во СЈО. Мене ми е многу непријатно што се случи тоа. навистина верував и сметав дека тоа тело ќе ја заврши, барем во оној период, својата надлежност. Таму има многу добри кадри, ги гледаме и ден денеска како постапуваат. Јас не би сакал да коментирам за самата пресуда за специјалната обвинителка е прогласена за виновна, од причини што таа не е правосилна. Имаме одредени информации и искажувања, но како судија, никогаш не сум сакал да коментирам неправосилни. Да дадеме можност прво оние кои се надлежни да постапуваат, а тоа се Апелација, да видиме кога ќе стане одлуката правосилна“, истакна Николовска.
.
