За време на продолжениот викенд по повод празникот Рамазан Бајрам, јавниот превоз во Скопје ќе функционира по неделен возен ред, информираат надлежните од ЈСП.
Според најавите, ваквиот режим на сообраќај ќе важи во текот на празничните денови, кога традиционално се очекува намален интензитет на патници.
Во однос на услугите за корисниците, во петок (20 март) и недела (22 март) дежурна ќе биде билетарницата на Транспортниот центар. Во сабота (21 март), пак, билетарниците и центрите за персонализација ќе работат со редовното работно време, односно во две смени од 08:00 до 18:00 часот, како и оние што функционираат во една смена.
Од ЈСП информираат дека жичницата за време на празничниот викенд ќе работи без измени, од 10 до 17 часот.
Надлежните апелираат граѓаните навреме да ги планираат своите патувања и да го земат предвид изменетиот возен ред за време на празничните денови.
