Од Синдикатот на Клинички центар сметаат дека министерот, Венко Филипче, се уште не е јасен дали се планира регионализација и јавно приватно партнество во помалите општини. Доколку се планира јавно приватно партнерство стравуваат од неконкурентен кадар, не знаат како би менаџирал новиот газда со болниците, како би го пополнил капацитетот и дали може подобро да менаџира од државата.
-Највеќе ќе осетат пациентите, граѓаните тоа сигурно. Со здравјето на граѓаните не може да се прави пазар, добивка, профит, тоа е трошок на државата, тоа е вкалкулиран трошок-изјави Горан Бреговиќ од синдикатот на Клинички центар.
По долгогодишниоте неуспешни обиди да се направат реформи, министерот вели дека нема да дозволи граѓаните да продолжат да се лекуваат во несоодветни услови. Јавното-приватно партнерство обезбедува токму современи и сериозно опремени болници и услуги. Вели дека граѓаните нема да доплаќаат, ќе плаќа државата преку придонесите.
-Наша задача е да обезбедиме за граѓаните здравствени услуги кои е се на високо и европско и светско ниво. Животите на граѓаните се наш врвен приоритет и државата мора да најде брзо решение кое ќе направи радикална промена-вели Филипче.
Не е јасно зошто постоечките менаџери, доколку е можно со истиот буџет и истиот персонал, не понудат подобри здравствени услуги, апаратура и да ги задржат сите услуги и достапноста на лекарите, велат од Синдикатот на Клинички. Министерот најави дека ќе го задржи истиот персонал во болниците во Кочани и Кавадарци во што од Синдикатот се сомневаат. Синдикатот на Клинички се спротивставува на јавно приватно партнерство, бидејќи сметаат дека е штетно за државата и вработените, кои приватниот газда ќе ги редуцира. Јавното здравство не носи добивка, туку е вкалкулиран трошок во секоја држава. Синдикатот не е консултиран, а ниту граѓаните. Очекуваат средба со министерот за да се разговара за идејата по изборите. Министерот најавува физибилити студии во кој ќе се анализираат финансиските услови за регионализација, а ќе се отвори и јавна дебата во која ќе учествуваат и граѓаните и стручните лица за да се избере најефекасниот модел.
РЕПОРТЕРКА: АЛЕКСАНДРА ВЕЛИНОВА