Работата на празник е работничко право кое работодавачите најмногу го прекршуваат, а работниците најмалку го пријавуваат.
Се додека не пријавиш, работата на празник ќе се злоупотребува. Работата на празник се плаќа вкупно 250% по час поминат на работа.
Законот предвидува дека за работа во денови на празници и неработни денови утврдени со закон, работникот има право на надомест на платата што му припаѓа кога во тие денови не работи и платата за поминати часови на работа, зголемена за 50 отсто.
Ако при контрола од страна на трудовиот инспекторат е утврдено дека ваква дневница не била исплатена тогаш следи казна за работодавачот која може да биде во висина од 3.000 до 4.000 евра.
Неколку примери на пресметки доколку работник работи на празник, а зема плата во висина на минималната плата, просечната плата или синдикалната минимална кошница во кои не се вклучени додатоците на плата за работа во смени, минат труд, прекувремена работа итн.
Минимална плата за август 2021 год. изнесува 15 194,00 ден
691,00 ден. дневница од м.п
1.728,00 ден. дневница за работа на празник
Просечна плата за мај 2021 год. изнесува 28 271,00 ден
1.306,00 ден. дневница од просечната плата
3 265,00 ден. дневница за работа на празник
Минимална синдикална кошница 34 212,00 ден
1.555,00 ден. дневница од м.с.к
3.888,00 ден. дневница за работа на празник
Ако до сега си работел на празник и не те платиле најмалку во износот наведен во примерите, тогаш работодавачот го прекршил и законот и колективниот договор
Паричните побарувања од работен однос застаруваат за 3 години
Биди храбар, ПРИЈАВИ ГО ГАЗДАТА