Севернокорејскиот лидер Ким Џонг Ун пилотираше нов тенк, кој го нарече најмоќен на светот, за време на воена вежба што е одговор на Пјонгјанг на заедничките маневри на јужнокорејската и американската армија, јавува Корејската централна телеграфска агенција (КЦНА).
Според агенцијата, Ким Џонг Ун изразил задоволство од демонстрацијата на новиот тип тенк и ја истакнал неговата ударна моќ и маневрирање.
Се нагласува дека воената вежба на севернокорејската армија има за цел да ја провери борбената готовност на оклопните единици.
– Натпреварите на големите тенковски формации на Северна Кореја се одржуваа по принципот „единица по единица“ – се додава.
