Кина ќе укине некои реципрочни тарифи за увоз од Соединетите Американски Држави, вклучително и давачки за земјоделски производи, по минатонеделниот состанок меѓу лидерите на двете земји, објави денес Царинската комисија на Државниот совет на Кина.
Сепак, според тие информации, увозот на соја од САД во Кина сè уште ќе биде оптоварен со тарифа од 13 проценти, објави Ројтерс.
Царинската комисија на Државниот совет на Кина ќе ги укине тарифите до 15 проценти наметнати за некои земјоделски производи од САД од 10 ноември.
