Црногорецот Милош Радоњиќ, капетанот на бродот „Макси Јена“ е уапсен во Трст по американска потерница за шверц на кокаин, јавуваат италијанските медиуми!
Америка по него распишала потерница на 15 септември, а според информациите американските власти го сметаат за „опасен шеф на кавачкиот клан“ кој организирал и три пати се обидел да прошверцува вкупно 2.602 килограми кокаин во Европа.
Barcolana, lo skipper Milos Radonjic arrestato per traffico di droga https://t.co/R8eqhJxt5K
— Sky tg24 (@SkyTG24) October 30, 2023
– Кокаинот бил натоварен на американскиот „покриен брод“ од Еквадор или од бреговите на Колумбија – пренесуваат италијанските медиуми.
Според нив, тој бил уапсен два дена пред почетокот на 55-тото издание на регатата, на 6 октомври, а моментално се наоѓа во строго обезбедуваниот затвор во Трст.
Тој беше сослушан, но тој негираше се за што беше обвинет.