Силниот имунолошки систем е многу важен во текот на годината, особено во денешно време кога е присутен корона вирусот. Зачувувањето на имунитетот во текот на зимата е посебен предизвик, но одредени навики можат да ни помогнат во тоа.
Сигурно познавате барем една личност која успева да остане здрава додека сите околу него киваат, кашлаат и се чувствуваат лошо. Ваквите среќници ги прашавме за нивните животни навики кои секоја година ги спасуваат од настинки:
- Контролирајте го стресот
Докажано е дека стресот го ослабува имунитетот на организмот, а експертите тврдат дека може да се контролира. Пред сè, важно е подобро да ги организирате вашите дневни обврски и да ја задржите контролата над се што треба да направите во рок од еден ден или една недела. Авторката на книгата „Кабинетот за алтернативна медицина“, д-р Кејти Грувер, тврди дека негативните последици од стресот можат да се ублажат со омилените активности како танцување, медитации, визуелизации и позитивни афирмации.
- Дружете се
Друг начин телото да се ослободи од стресот е смеењето, па луѓето кои ретко се болни секогаш наоѓаат начини да бидат во контакт со кругот на пријатели.
- Често имаат секс
Сексот го намалува нивото на стрес, а го зголемува нивото на задоволство. Кога сме среќни и задоволни, нашето тело ќе има помалку проблеми да се носи со „нападите“ од надворешната средина.
- Спијте доволно
Експертите се согласуваат дека доволно спиење е едно од најважните правила за здрав живот. Студијата на Универзитетот Карнеги Мелон и Медицинскиот центар во Питсбург покажа дека луѓето кои спијат од 5 до 6 часа во текот на ноќта имаат 30 отсто поголеми шанси да настинат отколку лицата кои спијат 7 часа или повеќе.
- Редовно вежбајте
Добро е познато дека редовната физичка активност го зајакнува целиот организам. Ако сакате да одржувате добро здравје, вежбајте најмалку 3 пати неделно.
- Се движат
Ако не вежбате, редовната прошетка од најмалку 30 минути ќе помогне да се зајакне имунолошкиот систем.