Постојат луѓе кои ве освојуваат за миг со својата енергија, присутност и заразен ентузијазам. Нивните емоции се искрени, директни и страсни. Кога ве сакаат – тоа го знаете. Кога им недостигате – веднаш ќе ви се јават. Кај нив нема глума, нема игри, нема чекање. Но, постои и друга страна: исто како што брзо влегуваат во вашиот живот, понекогаш од него исчезнуваат без најава.
Луѓето родени во знакот Овен живеат интензивно, не поднесуваат стагнација и не умеат да се преправаат. Нивната љубов е како пламен – ве грее силно, но може нагло да пламне, да се истроши и да згасне. Овен не сака загатки, туку јасност. Иако делуваат директно и едноставно, нивните импулси често ја надвладуваат нивната истрајност.
На почетокот на една врска, Овен се дава целосно. Се чувствувате видени, посакувани и сакани. Но, ако почувствуваат дека ги ограничувате, забавувате или гушите, нагло ќе се повлечат. Тоа не значи дека не им било грижа, туку дека не знаат како да се справат со чувството на стегнатост. Не се од оние кои ќе седат и ќе разговараат со денови за проблемите – ако почувствуваат дека нешто повеќе не ги движи, се свртуваат кон нешто ново.
Нивното присуство може да ве обнови, но нивното ненадејно заминување може да ве остави збунети. Сепак, Овен никогаш не лаже за своите емоции. Ако е тука – присутен е со целото свое битие. Кога ќе замине – тоа не го крие. Кај нив секогаш знаете на што сте, дури и тогаш кога боли.
