Пулската полиција спроведе криминалистичка истрага и утврди сомнение дека 54-годишен државјанин на Македонија сторил кривично дело обид за убиство.
Според полицијата, мажот се сомничи дека на 13 јули околу 2:30 часот, на пловен објект во Медулин, извадил нож и за време на расправија замавнувал кон главата и стомакот на 48-годишен државјанин на Србија.
За да се заштити од убод во стомакот, српскиот државјанин ја подигнал раката, при што македонскиот државјанин му нанел полесна повреда со нож.
По завршувањето на криминалистичката истрага, осомничениот во вторникот наутро бил приведен и спроведен во притворската единица на Полициската управа во Истра.