Почна масовната имунизација во А1 Арената, спортски центар „Борис Трајковски“. Закажани 3.000 термини само за првиот ден. Вакцинацијата се одвива на 48 пункта, без проблеми, велат здравствените работници.
Се имунизираат вработените во државната критична инфраструктура полицијата, војската медиумите, вработените во градинките. Дел од нив уште од утринските часови пристигаа со автобуси и беа упатувани на местата каде треба да се вакцинираат со запазување на протоколите.
На пунктот тим од 20 медицински сестри и пет доктори во две смени. Имунизацијата ќе се одвива седум дена во неделата.