Уживајте во празниците со овие вкусни благи кифлички!
Потребни состојки:
- 250 грама брашно
- 100 грама ореви
- 50 грама шеќер во прав
- 2 кесички ванилин шеќер
- 210 грама путер
Начин на подготовка:
Замесете тесто од сите состојки, замотајте го во фолија и оставете го да отстои во фрижидер на околу саат време. Потоа извадете го и обликувајте го тестото во форма на кифлички (или во која било друга форма сакате).
Подготвените кифлички наредете ги во тава со хартија за печење и ставете ги во претходно загреана рерна на 180 степени. Печете околу 8-10 минути. Кога тие ќе заруменат, извадете ги од рерната и оставете ги малку да се оладат, па кога ќе бидат млаки, просејте шеќер во прав над нив.