Скопје беше погоден од катастрофален земјотрес на 26 јули 1963 година, кој остави трајни последици врз градот и нашите жители. Околу 80% од градот беше разурнат, а повеќе од 1,070 луѓе ги загубија животите, додека над 4,000 беа повредени. Катастрофата ја покрена глобалната солидарност, при што многу држави и меѓународни организации испратија помош и поддршка за обнова на градот. Скопје беше повторно изграден благодарение на напорите на домашните и странските архитекти и урбанисти, напиша премиерот Христијан Мицкоски на својот фејсбук профил по повод 61 година од катастрофалниот земјотрес кој го погоди Скопје.
„Денес, Скопје стои како симбол на издржливост и солидарност, со сеќавање на трагичниот настан што ја промени неговата историја. 61 година подоцна, градот продолжува со живот, притоа зачувувајќи го споменот за оние кои ги загубија своите животи и за храброста на сите кои помогнаа во неговата обнова“, пишува во објавата на Мицкоски.