Лага е изјавата дека ќе ја влечам по улици, рече Мицкоски за Арсовска признавајќи дека погрешил во проценката на нејзиниот карактер

Се поочигледна е коалицијата меѓу Данела Арсовска и Димитар Ковачевски, рече вечерва во интервју за македонската телевизија Христијан Мицкоски додавајќи дека е згрозен од лагата како што вели тој алудирајќи на изјавата на Арсовска која рече дека добила закани од Мицкоски дека ќе ја влечел по под.

„Згрозен сум дури и да дадат одговор на оваа измислица. Тоа не е дел од мојот каратер ниту воспитување. Некои ми велат дека слабост ми е тоа што сум толерантен и попустлив. Но јас да не зборувам за мене, за тоа треба да кажат другите. Жалам што направив погрешна проценка за карактерот на човекот кој го поддржав денеска да биде градоначалник на Скопје. Верував бидејќи препораките и биографијата беа солидни и до ден денеска верувам дека тогаш направивме вистински чекор, бидејќи направивме победник, но жалам што поддржав човек кој сега се фокусира на ниски страсти, лаги, конструкции поучен од не многу ликови кои се дел од нејзиното опкружување наместо да испорачува за Скопје, таа се фокусира да растура пердуви за мене и лаги и конструкции, рече Мицкоски.

Арсовска: Лично и директно имав закани од Мицкоски со зборовите „Ако не го направиш ова, ќе ти го направам тоа…Ќе те влечеме по улици“

Тој нагласи дека се поочигледна е коалицијата помеѓу Арсовска и Ковачевски и претпоставуваа дека тие скапо платени советници, ги советуваат да таа ги растури пердувите, а после неколку дена медиуми блиски до власта и Ковачевски тоа го повторуваат, а знаете дека 100 пати повторена лага кај некои за жал ќе биде вистина.

– Чувствувам одговорност бидејќи застанав позади човек кој се покажа слаб менаџер и наместо тоа што се боревме и наместо за тоа што беа нашите вредности, се залага за поинакви кои немаат врска со потребите на Скопје. Но ќе направам се, ќе дадам се од себе да таа грешка ја исправам и концептот „За модерно Скопје“ да заживее. Тоа што го кажува СДСМ е реторика на СДСМ и тие сакаат да водат политика, од една страна седат во иста канцеларија со Арсовска и ја договараат стратегијата, ти немој да работиш, ние ќе те напаѓаме тебе и ВМРО-ДПМНЕ, а од друга страна не се секирај ние сме тука за тебе се што треба ќе ти излеземе во пресрет кога станува збор за твоите интереси. Гледаме дека оваа коалиција е деструктивна за животот на Скопјани и таа ќе биде поразена, изјави Мицкоски.