Стоиме со нашите американски сојузници во соочувањето со дестабилизирачките закани на Блискиот Исток, напиша министерот за надворешни работи, Тимчо Муцунски.
„Соединетите Американски Држави јасно ставија до знаење дека дипломатијата секогаш е првата опција – но одвраќањето останува од суштинско значење кога постојат веродостојни ризици.
Безбедноста, стабилноста и одговорноста одат рака под рака.
Во исто време, нашите амбасади и конзуларни тимови низ регионот активно се ангажирани и работат на поддршка и помош на нашите граѓани, обезбедувајќи ја нивната безбедност и давајќи ја целата неопходна конзуларна помош“, вели Муцунски во својата објава на Икс мрежата.
