Дваесетдневната кампања за изборите за градоначалници на општините закажани за 17-ти октомври започнува на полноќ и ќе трае до 15-ти октомври. Во изборниот натпревар, според статистиката на ДИК, влегуваат близу 11 илјади кандидати за градоначалници и советници во 80 општини во земјава и градот Скопје.
Партиите сите без исклучок се залагаат за фер, демократски и слободни избори со почитување на мерките за заштита.
На претстојните избори, право на глас имаат 1 824 864 граѓани, запишани во изводите од Избирачкиот список што ДИК го заклучи во петокот.
На овие избори првпат за идентификација на гласачите ќе се користат скенери за отпечатоци, а предвидена е и можност за гласање со истечени лични документи, како и ако лицето не е првично запишано во Избирачкиот список, ама ги исполнува условите да го реализира правото на глас.