„На овој референдум се врати полнењето на кутии во Македонија“, вака пратеникот од ВМРО-ДПМНЕ, Владимир Ѓорчев изјави вечерва во дебатниот магазин „Click Plus“ на ТВ21.
Ѓорчев не откри на на што алудираше кога рече дека се вратило полнењето на кутии во Македонија. Референдумот беше прв изборен процес кој се реализира додека СДСМ е на чело на власта во Македонија.
Против ВМРО-ДПМНЕ во моментов се водат неколку истраги за изборни нерегуларности кои ги отвори Специјалното Јавно Обвинителство.
За вечерашната дебата беа поканети и претставници од СДСМ, но од таму не одговорија на нашата покана.