Во чест на посетата на унгарскиот премиер Виктор Орбан, официјалното мени на работниот ручек со американскиот претседател Доналд Трамп во Белата куќа вклучуваше класични специјалитети од американската есенска кујна, беше објавено денес на веб-страницата на Белата куќа.
На менито за работниот ручек, како што е наведено, како предјадење беше послужена градинарска салата со семки од калинка, краставица, рендана ротква и дресинг од нане и лимон, објавува унгарскиот портал Хирадо.
На работниот ручек со Трамп, Орбан и унгарската делегација имаа печено пилешко со мајчина душица, пире од сладок компир, бриселско зелје и кељ како главно јадење, додека за десерт беа пита од тиква, сладолед од ванила, крекери од семки од тиква и меденки.
