Студено утро со температури под нулата беше измерено во делови од земјава, додека во текот на денот се очекува променливо облачно време со врнежи од дожд, а на повисоките места и снег.
Најниска температура од -4 степени е измерена на Попова Шапка, -1 во Лазарополе и Крушево, додека нула степени се регистрирани во Маврови Анови и Претор. Во Охрид утринската температура изнесувала 1 степен, во Битола 2, а во повеќе градови како Крива Паланка, Тетово и Прилеп биле измерени 3 степени. Во Скопје-Зајчев Рид температурата се спуштила до 4 степени, додека во Скопје-Петровец достигнала 6 степени. Најтопло утрово било во Гевгелија со 11 степени.
Во изминатите 24 часа најмногу врнежи се измерени во Пожар – 18 литри на метар квадратен, потоа во Маврови Анови 13, Пожаране 12 и Попова Шапка 11 литри. Во Велес, Тетово и Ѓуриште се измерени по 10 литри, додека во повеќе градови количината на врнежи се движела од 1 до 8 литри на метар квадратен.
Снежната покривка е највисока на Попова Шапка со 74 сантиметри, додека во Лазарополе има 19 сантиметри снег. Во Маврови Анови снежната покривка изнесува 5, а во Крушево 4 сантиметри.
Според најавите, денеска времето ќе биде променливо облачно со повремени локални врнежи од дожд, кои на места ќе бидат пообилни, над 20 литри на метар квадратен. Ќе има услови и за појава на ретки грмежи. На повисоките места дождот ќе преминува во снег, а на планините се очекуваат врнежи од снег и формирање нова снежна покривка.
Ќе дува слаб до умерен ветер од променлив правец, а максималната температура ќе се движи од 7 до 15 степени.
Во Скопје, времето ќе биде променливо облачно со повремени врнежи од дожд и услови за ретки грмежи. Ќе дува слаб до умерен ветер, а максималната температура ќе достигне околу 13 степени.
