По наредба на Вишото јавно обвинителство во Белград, уапсен е В.А. (70) поради утринскиот настан пред Собранието на Србија и постоењето основи на сомнение дека сторил кривично дело обид за убиство, со тоа што извадил огнено оружје што го носел неовластено и испукал неколку проектили по вербална дискусија поради различни политички ставови, изјави Ненад Стефановиќ, главен јавен обвинител на Вишото јавно обвинителство во Белград.
Тој им изјави на новинарите дека еден од неколкуте испукани проектили погодил друго лице во пределот на бутовите, а другиот погодил блиска плинска боца, предизвикувајќи експлозија и пожар.
Стефановиќ нагласи дека со навременото и ефикасно дејствување на припадниците на Министерството за внатрешни работи е спречена голема трагедија и дека осомничениот е идентификуван и уапсен во најкраток можен рок.
