Доколку навистина сакате да уживате во производот за нега на вашите усни, осигурете се дека ги имате неопходните состојки за овој фантастичен чоколаден балсам кој е одличен за заштита во зимските денови.
Потребни состојки:
- 5 грама масло од какао
- 2 грама кокосово масло
- 1 коцка чоколадо за готвење
Маслото од какао ја омекнува сувата кожа, ја хидрира и ја зголемува нејзината еластичност. Кокосовото масло има пријатен и нежен мирис, ја прави кожата мазна и ја штити од сушење. Чоколадото е одличен додаток за уште подобар мирис и вкус.
Начин на подготовка:
Маслата растопете ги на пареа, па потоа додајте го чоколадото. Мешајте постојано додека не добиете густа смеса, а потоа пресипете ја мешавината во мало кутиче. Оставете го балсамот да се излади и потоа е подготвен за користење. Рокот на траење му е 2 месеци.
