Расправијата меѓу вегетаријанците и љубителите на месо е сè почеста и се чини дека никогаш нема да се постигне компромис. Една од последните ситуации која започна полемика е знак пред месарница во Шкотска.
„Секојдневно илјадници невини растенија убиваат вегетаријанци. Помогнете да се стави крај на насилството и јадете месо“, е пораката на таблата пред месарницата која се појави на Фејсбук и предизвика лавина од различни коментари, LADbible пишува.
Некои утврдиле дека месарот е психопат, додека други тврдат дека и животните јадат растенија, а еден коментатор истакна дека, за разлика од животните, растенијата не се чувствителни.
„Овие луѓе водат бизнис кој е во нивните семејства со генерации. Ова не значи дека сите мораме да јадеме месо. Не може да биде правилно вегетаријанците да го веат нивното знаме, а оние што јадат месо не можат да го прават истото“, коментира купувач.
Сопственикот на месарницата, која е основана во 1889 година и оттогаш е во семејна сопственост, е задоволен од реакциите и вели дека неговиот натпис не бил злонамерен и треба да се сфати како „благо задевање“.
