Губењето на периферниот вид го зголемува ризикот од сообраќајна несреќа, објави UPI, повикувајќи се на австралиски истражувачи кои ја претставија својата работа на годишниот состанок на Американската академија за офталмологија во Сан Франциско.
Истражувачите се фокусирале на видното поле на возачот. Широкото видно поле им овозможува на возачите да ги видат потенцијалните опасности од двете страни на автомобилот и во исто време да внимаваат што се случува пред нив. Истражувачите од Универзитетот во Западна Австралија работеле со податоци за повеќе од 31.000 возачи постари од 50 години, собрани во текот на речиси 30 години.
Повеќе од 4.000 од постарите возачи учествувале во најмалку една сообраќајна несреќа. Повеќе од половина од нив имале извесна загуба на видното поле.
Анализата покажува дека дури и мало губење на видното поле на двете очи го зголемува ризикот од судар за 84 проценти.
„Многу луѓе веруваат дека добрата визуелна острина и јасноста на видот се доволни за безбедно возење“, вели д-р Шибоне Манерс од Универзитетот во Западна Австралија, водечки автор на студијата, во соопштението за печатот. „Се надеваме дека овие резултати исто така ќе помогнат да се информира јавноста, лекарите, органите за издавање дозволи и луѓето кои сакаат безбедно да возат.