Кошаркарот на Оклахома Џош Гиди би можел да загуби околу 40 милиони долари поради повлекувањето на спонзорството на „Вит-Бикс“, откако НБА започна истрага против него.
Поради емотивната врска со малолетна девојка, Гиди најпрвин се најде на удар на јавноста, а потоа лигата објави дека е покрената истрага, без да наведе детали.
Клубот не се огласи и не реагираше, а Гиди доби овации од навивачите на натпреварот, како јасен знак дека го поддржуваат.
Според Code Sports, сликата на Гиди е отстранета од сите социјални мрежи на брендот Weet Bix.
„Вит-Бикс“ е австралиски бренд за житарки, кој е еден од најпопуларните на континентот.
Кошаркарот би можел да загуби околу 40 милиони долари доколку компанијата реши да ја прекине соработката.
„Секако дека сме свесни за целата ситуација околу Гиди и чекаме одредени работи да се потврдат и да добиеме некои факти. Во контакт сме со неговиот менаџерски тим и ги чекаме деталите за овој случај“, изјавил за „Код спортс“ портпаролот на брендот „Вит-Бикс“.
21-годишен кошаркар е во врска со 16-годишна девојка.
