Факт е дека повеќето јаткасти плодови се исклучително добри за здравјето. Сепак, треба да ја ограничите потрошувачката на бразилски ореви на еден дневно.
Зошто е така? Бразилските ореви потекнуваат од амазонската прашума, каде што содржината на селен во почвата е исклучително висока. Поради оваа причина, тие содржат околу 400 пати повеќе селен од која било друга храна.
Селенот е суштински елемент кој има силно антиинфламаторно и антиоксидантно дејство во организмот и е неопходен за производство на тироидни хормони.
Се покажа дека внесот на селен во форма на додаток во исхраната може да го модифицира воспалителниот и имунолошкиот одговор кај пациенти со автоимуни заболувања на тироидната жлезда.
Еден бразилски орев содржи во просек 90 микрограми селен, што е речиси двојно повеќе од препорачаната дневна доза. Прекумерното консумирање бразилски ореви може да предизвика труење со селен.
Симптоми на труење со селен
Раните симптоми на труење со селен се кршливи коса и нокти и губење на косата, додека невролошки симптоми вклучуваат замор, раздразливост, емоционална нестабилност и парестезија.
Труењето со селен може да доведе до цироза на црниот дроб, па дури и до смрт, пренесува klix.ba.