Кандидатот за Претседател, Стево Пендаровски, во неколку јавни настапи , изјави дека некој и физички го следи и дека постојано го снимаат, фотографираат и потоа ги објавуваат материјалите.Тој вели дека не се папараци , се сомнева дека е некоја тајна служба, под директива од некоја политичка партија. Вели дека случајот го пријавил во полиција.
И министерот за внатрешни работи, Оливер Спасовски го потврди тоа и истакна дека на Твитер се објавени две неовластени видео снимки и дека истрагата продолжува за да се открие чиј е профилот.
Портпаролот на опозициската ВМРО-ДПМНЕ, Наум Стоилковски, рече дека поминале три дена и дека не се знае дали МВР е способно за да открие кој го следи Пендаровски.
Стоилковски исто така го праша Спасовски дали се безбедни кандидатите за претседател и дали тој гарантира безбедност за време на претседателската трка.
РЕПОРТЕР: АРМЕНД АБАЗИ