На Инстаграм страната 192_rs е објавена фотографија од искршен автомобил, кој завршил на покривот на паркирано возило, а оваа несекојдневна несреќа се случила во Жировница на државниот пат Крагуевац -Баточина.
Во несреќата нема повредени, потврдија за Нова.рс од полицијата.
„Несреќата во која е оштетен еден паркиран автомобил, на паркингот кој е физички одвоен од брзиот пат, се случила синоќа нешто по два часот по полноќ, велат од полицијата
View this post on Instagram
За среќа во оваа несекојдневна сообраќајка нема повредени, а епилогот е два искршени автомобили еден врз друг.
Полициската патрола излезе да изврши увид, а на медиумите им било соопштено дека причина за несреќата најверојатно е неприлагодената брзина со која возилото се движело од правец на Крагуевац.
Несреќата се случила на делот од патот на самиот излез од кружниот тек, а на фотографијата се гледаат делови од автомобилот до заштитната ограда и рабниците.
Паркираното возило било на паркинг на фирма за градежен материјал, а вистинска среќа е што оваа несреќа се случила надвор од работното време, кога на паркингот нема многу возила.
На двата автомобили е причинета голема материјална штета.