Мислев дека е трамвај или нешто слично. Одеднаш нешто буквално падна од небо на паркингот. Силна експлозија, камења паѓаат на подот, прашина… За момент немало струја, вели сведок за хрватскиот сајт 24 часа, откако вечерва се слушна силна експлозија.
Силен удар во Загреб, полицијата и пожарникарите на терен: Нешто падна од небо (ВИДЕО)
Бројни граѓани на Загреб вечерва околу 23 часот ги вознемири силен тресок, поради што некои помислија дека се работи за земјотрес, а во близина на Студентскиот дом „Стјепан Радиќ“ пристигнаа голем број полицајци и пожарникари.
– Не знам што се случи, но експлодираше на два метри од мене, фала богу што сум жив. Бев во автомобилот на паркингот кај Стара Сава и се слушаше звук неколку минути непосредно пред експлозијата – изјавил за хрватските медиуми еден од сведоците на настанот и продолжил:
– Мислев дека е трамвај или нешто слично. Одеднаш нешто буквално падна од небо на паркингот. Силна експлозија, камења паѓаат на подот, прашина… За момент немаше струја. Повторувам, не знам што е тоа, но навистина мислам дека падна од небо. Бев во апсолутен шок, се уште не можам да се вразумам.
Во близина на Стариот Сава се создаде голема дупка, а многу читатели објавија дека виделе дека нешто паднало на небото. Полициската постапка е во тек.