Засега нема официјално објаснување откако рано утрово се огласија сирени во турската воздухопловна база Инџирлик, важен објект на НАТО каде што се распоредени американски војници, недалеку од југоисточниот град Адана.
Според извештајот на агенцијата АФП, жителите на Адана, која се наоѓа на околу 10 километри од базата, биле разбудени од сирени кои работеле приближно пет минути околу 3:25 часот наутро, пишува бизнис порталот Економим.
Порталот, исто така, наведува дека во базата е објавен црвен аларм.
Another video showing what appears to be a ballistic missile, likely launched by Iran, in the sky tonight over NATO’s Incirlik Air Base, located near Adana, Turkey. pic.twitter.com/Tyb79Rg99Q
— OSINTdefender (@sentdefender) March 13, 2026
Светлечки објект прелетал низ небото
Снимки снимени од граѓани на нивните мобилни телефони се појавија на социјалните мрежи, на кои се гледа светлечки објект како лета низ небото, што укажува на можноста дека станува збор за ракета насочена кон воздухопловната база.
Сирените на противпожарните возила и безбедносните служби можеа да се слушнат низ целиот град долго време.
Video which appears to show a unknown ballistic missile in the sky over NATO’s Incirlik Air Base in Turkey, following reports of air raid sirens and explosions heard earlier in several towns surrounding Incirlik. pic.twitter.com/3apDnVyWQi
— OSINTdefender (@sentdefender) March 13, 2026
Инцидентот се случи четири дена откако воздушната одбрана на НАТО собори балистичка ракета за која се верува дека е испукана од Иран во турскиот воздушен простор, што е втор таков инцидент за пет дена.
НАТО соопшти дека втора балистичка ракета испукана од Иран е соборена во понеделник, откако Турција го предупреди Техеран против провокативни потези.
Објавата дојде кратко откако Вашингтон објави затворање на својот конзулат во Адана и ги повика сите американски граѓани да ја напуштат југоисточна Турција.
