Градежни објекти се градат на секој агол на територија на општина Бутел. Градоначалникот Велимир Смилевски, признава дека има градежна експанзија, но уверува дека ја менаџира ситуацијата околу тоа каде смее, а каде не смее да се гради. Во моментов се градат 5 згради кои имаат соодветна документација. ТВ21 извести за еден објект кој почна со градежните активности без притоа да ја има целосно комплетирано документацијата, но градоначалникот настојува дека тоа е средено, иако работите се стопирани. Тоа место години наназад беше парк, а сега наместо зелена површина, ќе никне нова зграда.
Го прашавме Смилевски и за неговите инфраструктурни ветувања. Поликлиниката која требаше да биде готова до 2020, сѐ уште не е завршена.
Училиштето во Визбегово ќе го чека ребалансот на Буџетот. Само патот кој води до училиштето е асфалтиран, а темелите на училиштето ќе бидат ставени следната година во февруари.
Зошто жителите на Љуботен сѐ уште немаат вода за пиење?! Смилевски со одговор дека густината на населението е над 3 илјади жители, додека водоводната мрежа има капацитет за само илјада жители.
Жителите на Бутел не сакаа да говорат пред камера, но бараат општината да биде побогата со зелени површини и паркови каде ќе можат да ги носат на прошетка нивните деца.
.
