Градоначалникот на Нови Сад, Милан Ѓуриќ, денеска одлучи градот Нови Сад да не ја организира новогодишната ноќ, ниту српската од почит кон жртвите од трагичната несреќа на Железничката станица во Нови Сад, кога 14 луѓе трагично загинаа, а тројца беа тешко повредени.
Тој рече дека трагедијата длабоко го потресе цел Нови Сад и цела Србија и дека е убеден дека го дели мислењето на сите жители на Нови Сад.
– Од почит кон жртвите во трагедијата, и како признание за болката и страдањето на нивните семејства, важно е да се откажеме од големите прослави оваа година и да бидеме обединети во болка, тага, сочувство и солидарност, рече Ѓуриќ.
Како што истакна, сега е најважно целото внимание на градската управа и на градот Нови Сад да биде насочено кон давање поддршка и помош на семејствата на трагично загинатите и повредените.
– Градот Нови Сад ќе направи се на семејствата на жртвите и на повредените да им ја обезбеди сета потребна помош и поддршка. Наша одговорност и човечка обврска е ниту еден човек да не остане без помош во овој тежок момент, а одговорните за овој трагичен настан ќе сносат целосна кривична одговорност согласно законот, рече Ѓуриќ.
