Денеска времето во земјата ќе биде сончево и топло, со мала до умерена облачност во попладневните часови. Ќе дува слаб до умерен ветер од јужен правец, а максималната температура ќе се движи од 21 до 28 степени Целзиусови.
Во Скопје се очекува слично време – сончево и топло со мала до умерена облачност и слаб до умерен јужен ветер. Температурата ќе достигне до 27 степени, со атмосферски притисок од 981 hPa, влажност од 34% и ветер од 2 m/s.
Од утре, според најавите на УХМР, следува период на променливо облачно време со повремени врнежи од дожд. На одредени места се очекува нестабилност со локални поројни дождови, грмежи и засилен ветер.
Во текот на периодот врнежите повремено ќе бидат пообилни, особено во петок, кога се очекува најизразена нестабилност.
